UN DITO DEZIDEIRO MIRANDÉS

Talbeç muita giente nun l conheça, mas ye eiqui i agora l sítio cierto para falar del:
ANTRADAS DE LHION, SALIDAS DE PUORCO BISPO

Este dito ye l correspundiente de l pertués «Entradas de leão, saídas de sendeiro», l que ye amentado pul Abade de Baçal, na bersion de la cuonta que acabemos de publicar. 
La splicaçon de l dito dezideiro ye mui simples i antende-se bien po

r quien lir las cuontas que tenemos benido a publicar: l puorco bispo arma-se an tan baliente que até quier aguantar cun l cielo nas sues paticas; mas quando las cousas ampéçan a quedar cumplicadas, cumo tal se sinte que ben ende ua troniada, lhougo l puorco bispo dá l dito por nun dito i s'ancuolhe.
Solo coincemos este dito dezideiro na Tierra de Miranda i an fala mirandesa, mas se alguien l conhece de outros cuntestos, serie antressante que eiqui deixasse nota, puis era seinha de que l dito acumpanhaba la giografie de la cuonta.
Este dito amostra que la cuonta serie, an tiempos, mui popular por estas paraijes, a puntos de dar ourige a un dito dezideiro.